Os autores e empresas de software libre publican o seu traballo baixo licenzas libres para que poida ser copiado e distribuido. De feito, fomentamos esa copia e distribución co fin de que un número maior de usuarios e empresas utilicen o noso traballo, o modifiquen, o comercialicen ou presten servizos baseados neles libremente. Para que todos sen excepción teñan acceso á nosa obra, é necesaria a universalización do acceso ás tecnoloxías da información, así como a soportes dixitais que permitan esa copia e distribución.

A federación empresarial ASOLIF (Asociacións de Software Libre Federadas) realiza as seguintes consideracións a respecto do canon dixital:

O gravame dos soportes dixitais vai en contra do espírito dos autores e empresas que desenvolven software libre, que se expresa xurídicamente nas licenzas que asignan á súa obra (licenzas libres).

O sector que representa ASOLIF, pese a ser autor de obras intelectuais, non teñen relación cos beneficiarios do canon dixital ni coas sociedades privadas que os xestionan.

A nosa actividade e a dos nosos clientes beneficia económicamente a estas sociedades no noso detrimento.

Un canon indiscriminado, como é o actual canon dixital, ten maior impacto en autónomos e PEMES, que son os principais actores do noso tecido empresarial.

A carga impositiva (IVA/IGIC) derivada do canon dixital aumenta os custes dos nosos produtos, reducindo a nosa competitividade. Esta perda reflíctese con total crueza á hora de comercializalos no mercado exterior.

O canon dixital implica que o crecemento do noso sector beneficia ás sociedades privadas de xestión de dereitos de autor, alleas ao software libre, na contra dos nosos intereses e os dos nosos clientes, o que constitúe unha perversión.

ASOLIF conclúe que as políticas de fomento do software libre son incompatibles coa defensa e o sustento do canon dixital nos termos actuais. Suxerimos por tanto a súa supresión inmediata.

A sesión informativa “Software Libre contra a crise”, ofrecida pola Asociación de Empresas Galegas de Sofware Libre (Agasol) coa colaboración coa Consellería de Innovación e Industria, chega o vindeiro xoves, 12 de febreiro, a Vilagarcía de Arousa, como culminación dun exitoso itinerario polas principais vilas galegas co obxectivo de proporcionar información aos empresarios sobre as vantaxes das tecnoloxías libres e abertas. A cita, de carácter gratuíto, principiará ás 19,30  horas no auditorio da sede da Cámara de Comercio de Vilagarcía de Arousa (Avenida Doutor Tourón, 46). O relatorio corre a cargo de Roberto Brenlla,  economista especializado en Tecnoloxías da Información e fundador de Tegnix (unha das 25 empresas que integran Agasol). 

Trala elevada asistencia ás sesións e o interese suscitado en capitais como Ourense, Ferrol, Santiago e Lugo, por onde transitaron as xornadas en días anteriores, a Asociación  de Empresas Galegas de Software Libre, non descarta extendelas a outros puntos de Galicia.

Nesta ocasión os empresarios arousáns terán ocasión de ampliar o seu coñecemento sobre o Software Libre, Linux e os Estándares Abertos, incidindo nas súas vantaxes competitivas en canto a aforro de custos ou adaptabilidade e nas axudas oficiais que presta a Xunta de Galicia para implantacións. O programa da xornada está dirixido, en especial, a xerentes, responsables de finanzas, estratexia ou tecnoloxía da información e, mesmo, interesados en xeral, que asistirán a unha sesión ilustrada con exemplos de implantacións desenvolvidas en empresas, institucións ou na Administración. Para rematar, abriráse unha rolda de preguntas e propiciarase o debate, que continuará durante a degustación dun viño galego.

PARA ACCEDER AO BOLETÍN DE SUSCRIPCIÓN, PREMA AQUÍ

A Asociación de Empresas Galegas de Sofware Libre (Agasol) ofrecerá o vindeiro 5 de febreiro en Lugo a sesión informativa “Software Libre contra a crise” que, en colaboración coa Consellería de Innovación e Industria, forma parte dun itinerario que realiza polas principais capitais galegas para dar a coñecer ao sector empresarial as vantaxes que ofrecen as tecnoloxías libres e abertas. A cita, de carácter gratuíto, terá lugar a partir das 19 horas no edificio FORCAM (Rúa Cántigas e Frores, 31) e nela intervirá como relator Roberto Brenlla, economista especializado en Tecnoloxías da información e fundador de Tegnix, unha das 25 compañías que se integran en Agasol.

 Logo de recalar exitosamente nas cidades de Ourense, Ferrol e Santiago, farao en Lugo desenvolvendo, de novo, un programa dirixido a que xerentes, responsables de finanzas, estratexia ou tecnoloxías da información amplíen o seu coñecemento sobre que é o Software Libre, Linux e os Estándares Abertos, incidindo nas súas vantaxes competitivas en canto a aforro de custos ou adaptabilidade e nas axudas oficiais que presta a Xunta de Galicia para implantacións. Ademais, exemplificarase con implantacións desenvolvidas en empresas, institucións ou na Administración. Para rematar, abriráse unha rolda de preguntas e propiciarase o debate, que continuará durante a degustación dun viño galego.

PARA ACCEDER AO BOLETÍN DE SUCRIPCIÓN, PREMA AQUÍ

A web GaliciaPMS ofrece un amplo resumo da convocatoria de axudas no ámbito das tecnoloxías TIC da Sociedade da Información. Nel ofrécese información sobre as diferentes modalidades de liñas de finanzamento, criterios de valoración, datos de contacto, gastos subvencionables e non subvencionables.  Dentro da sección LaboratorioPMS encóntranse as diferentes modalidades de subvencións para empresas no sector TIC durante o ano 2009. No artigo pódense consultar as casuísticas para solicitar axudas no eido das infraestructuras tecnolóxicas internas das empresas, aplicacións informáticas nas empresas, apoio ao desenvolvemento do sector TIC e formación técnica e promoción do sector das TIC para o ano 2009. Estas liñas de actuación conforman a oferta que a Dirección Xeral de Promoción Industrial e da Sociedade da Información da Consellaría de Innovación e Industria puxeron en marcha no comezo do 2009.

Máis información na propia web da Consellería de Innovación e Industria: http://www.conselleriaiei.org/ga/dxpisi/index.php?mod=not&ide=1722

Agasol ven de programar tres novas xornadas divulgativas sobre software libre dirixidas a pequenas e medianas empresas dentro da colaboración que mantén coa Consellería de Innovación e Industria.

O calendario de xuntanzas é o seguinte:

• 20 xaneiro. 19 horas. Cámara de Comercio de Ferrol (A Malata s/n)
• 28 xaneiro. 19 horas. Cámara de Comercio de Santiago (San Pedro de Mezonzo, 44 - baixo)
• 5 febreiro. 19 horas. Cámara de Comercio de Lugo (Rúa Cantigas e Frores, 31)

A sede viguesa da Confederación de Empresarios de Pontevedra acolleu o pasado día 17 de decembro a cuarta das xornadas divulgativas que baixo o título “Software Libre contra a crise” organiza a Asociación de Empresas Galega de Software Libre en colaboración coa Consellería de Innovación e Industria. A sesión atraeu a máis de corenta persoas, na súa meirande parte directivos e responsables TIC de empresas interesadas en ampliar información sobre as vantaxes que poden acadar co uso de tecnoloxías abertas.

Por parte de Agasol falou Roberto Brenlla, fundador de TEGNIX, unha das empresas que compoñen a asociación. Xunto a él tamén tomaron a palabra e respostaron ás dúbidas dos presentes Antonio Pérez Casas, asesor do conselleiro de Innovación e Industria e José Ramón Pais, vicepresidente da Fundación Innovapyme Galicia.

Ao día seguinte Roberto Brenlla acudiu tamén en representación de Agasol ao Centro de Formación Profesional Caixanova de Ourense para facer tamén unha sesión divulgativa co obxectivo de alentar aos estudantes do centro a traballar no eido do software libre. Neste sentido fixo espcial fincapé na alta demanda de profesionais especializados por parte das empresas do sector e das dificultades que éstas teñen para acadar mán de obra cualificada. Máis de cincuenta estudantes asistiron á xornada.

A Asociación de Empresas Galegas de Software Libre conta xa con 25 asociados apenas un ano despois da súa creación. Instituto Tecnolóxico de Galicia (ITG) e Imatia son as dúas últimas incorporacións.

O Instituto Tecnolóxico de Galicia é unha fundación de carácter privado que ten como misión mellorar a capacidade competitiva das organizacións, empresas e profesionaisde Galicia. O seu traballo está avalado por un padroado do que forman parte a Xunta, as tres universidades galegas, a Confederación de Empresarios de Galicia e os colexios oficiais de arquitectos e enxeñeiros. ITG contribúe á mellora da competitividade e desenvolvemento tecnolóxico en especial das pemes galegas mediante a promoción e execución de proxectos de I+D+i, pero ademais converteuse nun provedor integral de software en código aberto.

Imatia é unha empresa de I+D especializada na creación de tecnoloxías para o desenvolvemento rápido de software. Ofrece servizos como fabricante de software, integrador e consultor e ofrece soluciones TIC adaptadas. Spin-off do grupo de investigación de Deseño e Automatización de Sistemas Avanzados da Universidade de Vigo, Imatia conta cun persoal de máis de trinta enxeñeiros.

A Asociación de Empresas Galegas de Software Libre (Agasol) ofrecerá o
vindeiro martes día 18 de novembro en Ourense a sesión informativa “Software
Libre contra a crise” que, en colaboración coa Consellería de Innovación e
Industria, forma parte dun itinerario que realiza polas principais capitais galegas
para dar a coñecer ao sector empresarial as vantaxes que ofrecen as tecnoloxías
libres e abertas. A cita, de carácter gratuíto, terá lugar no salón de actos da
Confederación Empresarial de Ourense (Praza das Damas, 1) e nela intervirá como
relator Roberto Brenlla, economista especializado en Tecnoloxías da información e
fundador de Tegnix, unha das 24 empresas que se integran en Agasol.

A sesión dará comezo ás 19,30 horas e non durará máis de dúas horas. Nela está
previsto desenvolver un programa dirixido a que xerentes, responsables de
finanzas, estratexia ou tecnoloxías da información amplíen o seu coñecemento
sobre que é o Software Libre, Linux e os Estándares Abertos. Ademais se inicidirá
nas súas vantaxes competitivas en canto a aforro de custos ou adaptabilidade.
Para iso exemplificarase con implantacións desenvolvidas en empresas,
institucións ou na Administración.

Wireless Galicia, empresa integrante de Agasol, ven de ercibir o premio Ingeniero Gerardo García Campos á Mellor Iniciativa Empresarial no Sector TIC, patrocinado pola Fundación do mesmo nome. O galardón, que foille entregado na XIII Noite Galega das Telecomunicacións e da Sociedade da Información 2008 celebrada na Toxa é un recoñecemento ao esforzo nos labores de I+D no campo das TIC aplicadas a proxectos de interese sociosanitario así como á traxectoria e proxección da empresa. A iniciativa premiada propón a aplicación das tecnoloxías móbiles e accesibles ao sector sociosanitario de tal xeito que contribue ao desenvolvemento da rede de saúde de Galicia, e facilita o seguimento desde o domicilio de determinados parámetros médicos (peso, nivel de actividade física, etc) a enfermos con patoloxías crónicas

Queres, unha das compañías que integran a Asociación de Empresas Galegas de Software Libre (Agasol), participará o vindeiro mércores día 12 de novembro no Alfresco Iberia Roadshow que ten lugar por toda España e que chega a A Coruña ao Centro de Negocios BCA28 (Rúa Copérnico, Parcela 28 - Polígono A Grela).

Durante catro horas, de dez dá mañá a dúas dá tarde, están previstas diversas presentacións comerciais, técnicas, de casos de exito e novidades Alfresco por parte de empresas, socios, clientes e colaboradores que traballan coa ferramenta open source de xestión documental.

Do mesmo xeito falarase sobre as vantaxes de Alfresco 3.0 e convidarase aos asistentes a participar nunha mesa redonda na que se discutirá sobre a xestión documental na actualidade.

A inscripción para o evento pode facerse na propia web de Alfresco